گورنر سندھ کامران خان ٹیسوری کی امت مسلمہ کو 12 ربیع الاول کی مبارکباد
گورنر سندھ کامران خان ٹیسوری نے امت مسلمہ کو 12 ربیع الاول کی مبارکباد دیتے ہوئے کہا ہے کہ نبی پاکﷺ کی ولادت باسعادت تمام جہانوں کیلئے ایک عظیم ترین دن ہے۔ اپنے پیغام میں انہوں نے کہا کہ آپ ﷺ کا کردار اور اعمال ہمارے لئے بہترین نمونہ ہیں ہماری خوش قسمتی کہ اللہ تعالیٰ نے ہمیں حضورﷺ کا امتی بنایا۔انہوں نے کہا کہ نبی کریم ﷺ کی زندگی ہمدردی، رواداری اور محبت کی تابندہ مثال ہے،نبی کریمﷺ کے پیغام کو امت مسلمہ اپنا مشعل راہ بنائیں تاکہ دین و دنیا میں کامیابی ہو۔انہوں نے کہا کہ نبی پاکﷺ کی تشریف آوری انسانیت کے دکھوں کے مداوے کی نوید ہے۔
