ورلڈ یوتھ اسکریبل چیمپئن شپ کی فاتح ٹیم سری لنکا سے پاکستان واپس پہنچ گئی ہے۔
وطن واپسی پر کراچی کے ہوائی اڈے پر ٹیم کا شاندار استقبال کیا گیا۔کھلاڑیوں کے اہل خانہ اور مداحوں نے لفظوں کے بادشاہوں کو خوش آمدید کہا۔کھلاڑیوں کو ہار پہنائے گئے اورائیرپورٹ پر پاکستان زندہ باد کے نعروں سے گونج اٹھا۔پاکستان نے ریکارڈ پانچویں بار ورلڈ یوتھ چیمپئن شپ جیتی ہے۔چیمپئن شپ میں دنیا کے138 پلیئرز نےحصہ لیا۔پاکستان کے 4 پلئیرز نے ٹاپ ٹین میں فنش کیا۔ 16 سالہ عفان سلمان ورلڈ یوتھ اسکریبل چیمپئن بنے ۔پاکستان ریکارڈ 5 مرتبہ ورلڈ یوتھ چیمپئن شپ جیتنے والا پہلا ملک ہے ۔