نائیجیریا میں تینوبو نے نئے صدر کی حیثیت سے حلف اٹھا لیا
نائیجیریا میں تینوبو نے نئے صدر کی حیثیت سے حلف اٹھا لیا ہے جس کے بعد وہ نائجیریا کے 16ویں صدر بن گئے ہیں۔71 سالہ صدر تینوبو نے دارالحکومت کے ایگل اسکوائر ایونیو میں اپنے عہدے کا حلف اٹھایا ۔حلف برداری کی تقریب میں 5000 کے قریب افراد نے شرکت کی جن میں دوسرے ممالک کے صدور، سربراہان مملکت ،گورنرز، وزراء، سفارت کار اور دوست ممالک کے حکام شامل تھے۔نئے صدر نے تقریب سے خطاب کرتے ہوئے کہا کہ وہ معیشت کی بحالی کیلئے اصلاحات نافذ کریں گے اور غربت کا خاتمہ کریں گے۔
