وزیراعظم شہباز شریف کی ہدایت پر تاریخ ساز رمضان پیکج پر عمل درآمد کا آغاز کر د یا گیا ہے۔صوبہ پنجاب، خیبرپختونخوا اور اسلام آباد میں آٹے کی مفت فراہمی شروع کر دی گئی ہے۔رمضان پیکج کے تحت تمام غریب خاندانوں کو رمضان المبارک میں مفت آٹا ملے گا ۔25 شعبان سے 25 رمضان تک ہر غریب خاندان کو آٹے کے تین تھیلے ملیں گے۔
وزیراعظم نے 25 شعبان سے رمضان پیکج پر عمل درآمد کی ہدایت کی تھی ۔وزیراعظم دیگر صوبائی حکومتوں کو بھی غریب عوام کو مفت آٹا فراہم کرنے کی ہدایت کر چکے ہیں ۔وزیراعظم نے غریب عوام کو مہنگائی سے بچانے کے خصوصی رمضان پیکیج تیار کرنے کی ہدایت کی تھی۔