اقوام متحدہ نے افغان عبوری حکومت سے لڑکیوں کی تعلیم پر پابندی کو فوری طور پر ہٹانے کا مطالبہ کرتے ہوئے عالمی برادری پر زور دیا ہے کہ وہ افغان بچیوں کو پڑھنے کا حق دلانے کیلئے عبوری حکومت کی ذمہ داری یاد دہانی کرائے۔
یونیسکو نے رواں سال تعلیم کے عالمی دن کو افغان طالبات،خواتین اور لڑکیوں کے نام منسوب کرنے کا بھی اعلان کرتے ہوئے کہا ہے کہ ملک میں سکول جانے کی عمر کی 80 فیصد افغان لڑکیاں تعلیم سے محروم ہیں جن کی تعدادپچیس لاکھ ہے۔یونیسکو نے افغانستان میں تمام لڑکیوں اور نوجوان خواتین کی تعلیمی اداروں میں واپسی کا مطالبہ دہرایا ہے اور خبردار کیا ہے کہ خواتین کو حصول تعلیم سے روکنے کے نتیجے میں تعلیمی میدان میں حاصل کردہ فوائد ضائع ہو سکتے ہیں۔