وزیرِ اعظم عمران خان سے چیئرمین نادرا محمد طارق ملک اور اٹارنی جنرل خالد جاوید خان نے اسلام آباد میں ملاقات کی۔وزیراعظم کو بتایا گیا کہ عام آدمی کی سہولت کیلئے چودہ اگست تک تحصیل سطح پر نادرا کے 46 نئے سینٹرز کھولےجائیں گے۔ نادرا ڈیجیٹل پاکستان کے وژن کے تحت سٹارٹ اپس کی معاونت کیلئے انو ویٹیو اپلیکیشنز متعارف کرائے گا ۔ ایف بی آر کی ٹیکس دائرہ کار کو بڑھانے میں بھی نادرا معاونت کرے گا۔وزیرِ اعظم عمرا ن خان نے نادراکے اقدامات کو سراہتے ہوئے کہا کہ عام آدمی کو سہولتوں کی فراہمی حکومت کی اہم ترجیح ہے۔

وزیراعظم عمران خان سے وفاقی وزیر ریلوے اعظم خان سواتی نے بھی ملاقات کی۔ ملاقات میں ریلوے کے مسائل کے تدارک کے لئے اٹھائے گئے اقدامات پر تبادلہ خیال کیا گیا۔ اعظم سواتی نے وزیراعظم کو ایم ایل ون پر پیش رفت ، پنشن فنڈ کے مسائل کے حل کے لئے اٹھائے گئے اقدامات اور گزشتہ سال تاریخ میں پہلی دفعہ فریٹ آپریشنز میں سب سے زیادہ ریونیو کے معاملے سے آگاہ کیا۔