چین کے مختلف صوبوں میں شدید بارشوں کے باعث آنے والے سیلاب کے بعد مقامی حکام نے امدادی سرگرمیوں کا آغاز کر دیا ہے۔امدادی سرگرمیوں میں آرمی اور پولیس کے اہلکار اور مقامی رضاکار حصہ لے رہے ہیں۔ چین کے ہوبئی صوبے میں 12ہزار سے زائد اہلکار امدادی کاموں میں مصروف ہیں جنہوں نے اب تک 39ہزار سے زیادہ افراد کو محفوظ مقامات تک پہنچایا ہے۔ مختلف مارکیٹس اور دکانوں میں داخل ہونے والے پانی کو نکالا جا رہا ہے تاکہ کاروباری سرگرمیاں دوبارہ شروع کی جا سکیں۔