وزیراعظم عمران خان نے کہا ہے کہ پاکستان تحریک انصاف اور اس کی اتحادی جماعتوں کا بدعنوانی کے خاتمے، غربت میں کمی اور عوامی خدمت کا مشترکہ ایجنڈا ہے۔

انہوں نے بدھ کے روز کراچی میں اتحادی جماعتوں کے ایک وفد سے گفتگو کرتے ہوئے کہا کہ وفاقی حکومت اس سلسلے میں سندھ سمیت تمام صوبوں سے تعاون کررہی ہے۔
وزیراعظم نے کہا کہ حقیقی ترقی انتظامی اصلاحات اور اختیارات کی بنیادی سطح تک منتقلی کے ذریعے ہی ممکن ہے۔
انہوں نے کہا کہ ماضی میں ملک پر حکمرانی کرنے والی سیاسی قیادت نے لوگوں کی خدمت نہیں کی اور بلکہ اس نے اختیارات کو اپنے مفادات کیلئے استعمال کیا۔
اتحادی جماعتوں کے ارکان نے وزیراعظم کو سندھ کی ترقی اور انتظامی اصلاحات کے حوالے سے اپنی سفارشات پیش کیں۔