ٹاپ سٹوری

  • ٹاپ سٹوری
  • Sep 19, 2019

وزیر اعظم پاکستان اور سعودی عرب کے ولی عہد کی ملاقات

وزیر اعظم پاکستان عمران خان اور سعودی عرب کے ولی عہد اور وزیر دفاع شہزادہ محمد بن سلمان کے درمیان ملاقات ہوئی ہے ۔ ملاقات میں دوطرفہ تعلقات پر تفصیلی تبادلہ خیال کیا گیا ۔وزیر اعظم عمران خان نے سعودی ولی عہد کو کشمیر کی تازہ ترین صورتحال سے آگاہ کیا۔ وزیر اعظم نے سعودی تیل کی تنصیبات پر حملے کی مذمت بھی کی۔
وزیر خارجہ شاہ محمود قریشی، مشیر خزانہ عبدالحفیظ شیخ، معاون خصوصی برائےسمندر پار پاکستانیز سید ذوالفقار بخاری، سیکرٹری خارجہ سہیل محمود اور سعودی عرب میں پاکستان کے سفیرراجہ علی اعجاز بھی ملاقات میں موجود تھے۔
اس سے پہلے وزیر اعظم عمران خان سعودی عرب کے دو روزہ دورے پر جدہ پہنچے تو رائل ٹرمینل پر مکہ کے گورنرخالد الفيصل بن عبد العزيز نے وزیر اعظم کا استقبال کیا۔ سعودی عرب میں پاکستان کے سفیرراجہ علی اعجاز، قونصل جنرل خالد مجید، سعودی حکام اور قونصلیٹ کے افسران بھی اس موقع پر موجود تھے۔