ٹاپ سٹوری

  • ٹاپ سٹوری
  • Aug 11, 2018

صدر مملکت نے قومی اسمبلی کا اجلاس پیر 13 اگست کو طلب کر لیا

صدر مملکت نے نگران وزیراعظم کی سفارش پر پندرھویں قومی اسمبلی کا اجلاس پیر 13 اگست صبح 10 بجے پارلیمنٹ ہاوس میں طلب کر لیا ہے۔اجلاس میں نومنتخب ارکان اسمبلی حلف اٹھائیں گے۔حلف کے بعد سپیکر اور ڈپٹی سپیکر کا انتخاب ہوگا جس کے بعد وزیراعظم کا انتخاب عمل میں آئے گا۔اجلاس کے موقع پرسیکورٹی کے فول پروف انتظامات ہوں گے۔
قومی اسمبلی نے نو منتخب ار کان کی سہولت اور رہنمائی کے لیے قومی اسمبلی سیکرٹریٹ کے کمیٹی روم نمبر 2میں خصوصی استقبالیہ کاؤنٹر قائم کیے ہیں۔ان کاؤنٹر ز پر نو منتخب ارکان کو قومی اسمبلی کے کارڈز کے اجراء کے لیے تصاویر بنائی جائیں گی اور دیگر معلومات فراہم کی جائیں گی۔یہ کاؤنٹرز بغیر کسی وقفے کے صبح 10بجے سے شام 5بجے تک کھلے رہیں گے۔